MNF chuan an President Zoramthanga, Ex- Chief Minister thusawi ni miah lo, a sawi ni awm tak video siamchawp / tihdanglam (forged / false electronic record ) “MNF hi Pathian leh Mipuite zarah kan sorkar hunah, mipui retheite nuai 5 atanga nuai 15 inkar, kum tin pawisa kan pe dawn a” tih chu social media lamah a darh chiam, an ti a.

​​MNF Legal Board chuan, MNF President hian hetiang thu hi a sawi lo hrim hrim a. MNF Party leh MNF President tihchhiat nan te, mipui rilru thianghlim tak hruai sual nan tea video siamchawp / tihdanglam ( false electronic record/document ) tih a chiang em em a. Hetianga mi zahawm tak, Mizoram Chief Minister kum rei tak lo nia ram leh hnam hmasawnna hna tam tak lo thawk tawh leh a ngaihtuahna pawh ram leh hnam tana la hmang chhunzawm rengtu thusawi ni miah lo, a sawi anga video lo siamchawp/ tihdanglam hi BNS Sec. 336 (4) bawhchhiatna lian tak a ni, an ti.

 

"He vedio siamchawp thehdarhtute chu, ZPM Media & Publicity Department Chairman leh Minister of State B. Lalchhanzova, Lalbuaia Vanchhawng leh Marini ZPM (Lalrinmawii D/o Lalzawnchhuaha (L) R/o Khawzawl Vengthar) te an ni," tiin, thu leh an post darh na link leh pawimawh dang te an tarlang a ni.

Lalbuaia Vanchhawng inti leh Lalrinmawii(Marini ZPM) vawiina Cyber Crime Police Station-a an in lan tuma youtuber thenkhatte'n an kawmna ah video chu midang post an hmuh an download hnua an post darh angin an sawi a, anni chu thu pekte social media-a  post darh (forwarded) thintu mai annih thu an tarlang bawk.